කොළඹ විශ්ව විද්‍යාලය 99x Hacktitude 2022 හි ඉහළම ගෞරවය හිමි කරගනී
99X හි නව්‍ය තාක්ෂණය භාවිතා කිරීම හේතුවෙන් දිවයින පුරා සිටින උපාධි අපේක්ෂකයින් 600 කට අධික සංඛ්‍යාවක් පසුගිය සතියේ අන්තර් විශ්වවිද්‍යාල Hackathon තරඟාවලියක් වන Hacktitude සඳහා සහභාගී විය. පැය නවයක නොනවතින කේතීකරණයෙන් (coding) පසුව කොළඹ විශ්වවිද්‍යාලයේ පරිගණක පීඨයේ (UCSC) දලන ධර්මතිලක, අශාන් රත්නවීර සහ විසල් ජයතිලක ඉහළ ගෞරව හිමිකර ගත්හ.
ලියාපදිංචි වූ කණ්ඩායම් 230 න් කණ්ඩායම් 12 කට පමණක් සම්පූර්ණ ලකුණු ලබා ගැනීමට හැකි වූ අතර පසුගිය සතියේදී කොළඹ කිංග්ස්බරි හෝටලයේ පැවති සම්මාන උළෙලේදී ඇගයීමට ලක්වූයේ මෙම කැපී පෙනෙන කණ්ඩායම් 12 ය. UCSC ජයග‍්‍රාහී කණ්ඩායමට ඉහළ මට්ටමේ Apple MacBooks ලැබුණි. මොරටුව විශ්වවිද්‍යාලයේ පරිගණක විද්‍යා ඉංජිනේරු පීඨයට (UOM-CSE) පළමු සහ දෙවැනි අනුශූරතාව හිමි වූ අතර, මෙම පීඨය වැඩිම ලකුණු ලබාගත් විශ්වවිද්‍යාලය ලෙස Hackitude Championship Trophy සම්මානයෙන් පිදුම් ලබන ලදී.
99X හි ප‍්‍රධාන මහජන නිලධාරී දමිත ජයසිංහ නිරීක්ෂණය කළේ ”බොහෝ උපාධි අපේක්ෂකයින්ට දැනුම තිබුණත් රැකියා වෙළඳපොළට පිවිසීමේදී අවශ්‍ය නිපුණතා සහ හැකියාවන් නෑ. කෙසේ වෙතත් Hacktitude සඳහා සහභාගී වීමෙන් මෙම 600 ට වැඩි සිසුන් ඔවුන්ගේ තාක්ෂණික කුසලතා වැඩි දියුණු කර ගත්තා. එහිදී සැබෑ සේවාදායක ව්‍යාපෘති වලදී මුහුණ දීමට සිදුවන ගැටළු වලට පිළියම් සෙවීමට ඔවුන්ව බලගැන් වූ අතර රැකියා වෙළඳපොළට ඇතුළු වීමට පෙර ඊට ඔවුන්ව හොදින් සූදානම් කිරීමට කටයුතු කළා.”
ඔවුන්ගේ Hacktitude අත්දැකීම පිළිබඳව අදහස් දක්වමින් ජයග‍්‍රාහී ‘NamakNa’ කණ්ඩායමේ දලන ධර්මතිලක ප‍්‍රකාශ කළේ ”Hackathon තරගයේ ආකෘතිය අපි හැමෝටම අලූත් අත්දැකීමක් වුණා. එය අභියෝගාත්මක නමුත් ඉතා විනෝදජනක එකක් වුණා. මම හිතන්නේ Hacktitude කියන්නේ උපාධි අපේක්ෂකයින්ට නිෂ්පාදන-ශ්‍රේණියේ කේත (production-grade code) සංවර්ධනය කිරීමේදී ඔවුන්ගේ කුසලතා පරීක්ෂා කිරීමට සහ වැඩිදියුණු කිරීමට ඉඩහසර ලබාදෙන තරඟාවලියක්. අපි ඉදිරි වසරෙත් සහභාගී වීමට බලාපොරොත්තු වෙනවා. මෙවැනි Hackathon එකක් සංවිධානය කිරීම ගැන 99X ආයතනයට ස්තූතියි.”
Visits: 69
