ඉරාජ්ගේ ටික්-ටෝක් ගීතය ඉන්දුනීසියාවේ ජනාදරයට පත්වෙලාලු

නව පරපුරේ සංගීත නිර්මාණකරුවෙකු වන ඉරාජ්ගේ ජනප‍්‍රියම ගීතයක්  වන ‘ආඩම්බරයි බැලූ‍වාමනම්’ ගීතය #Adambaraichallange ලෙස හැෂ්-ටැග් කර ඇති අභියෝගයක් ලෙස ඉන්දුනීසියාවේ ටික්ටොක් හි සමාජමාධ්‍යයන්හි විශාල වශයෙන් ප‍්‍රචාරණය වී  ඇතැයි පවසයි.

ඒ අනුව පසුගිය  නොවැම්බර් 29 වන ඉරිදා වන විට, මෙම ටික්ටොක් අභියෝගයට මිලියන පහක් (5) මේ ගීතය නරඹා ඇති අතර ඉන්දුනීසියාව පුරා ටික්ටොක් පරිශීලකයින් විසින් මේ අභියෝගය සදහා වීඩියෝ එක්ලක්ෂ හතළිස් දහසකට (140,000) වැඩි ප‍්‍රමාණයක් අන්තර්ජාලයට මුදාහැර ඇත.

මෙම ටික්ටොක් අභියෝගය ඉදිරි සති කිහිපය තුළ නැගෙනහිර ආසියාව පුරා පැතිරෙනු ඇතැයි සමාජ මාධ්‍ය විශේෂඥයින් අනාවැකි පළ කරයි. මෙය ජනප‍්‍රිය සමාජ මාධ්‍ය යෙදවුමක් වන ටික්ටොක් හි ජාත්‍යන්තරව පැතිරුණු පළමු ශ‍්‍රී ලාංකික සිංහල ගීතයයි.

ටික්ටොක් (TIKTOK) යනු මිලියන 800 ක ක‍්‍රියාකාරී පරිශීලකයින් සිටින වඩාත් ජනප‍්‍රිය සමාජ මාධ්‍ය වේදිකාවකි. මෙහි සක‍්‍රීය පරිශීලකයින් බිලියනයක් පමණ සිටින අතර එය දෙවැනි වන්නේ බිලියන 1කට ආසන්න පරිශීලකයන් සිටින  Instagram යෙදවුමට පමණි.

එය ලෝකයේ වැඩිපුරම භාවිතා වන කට හත්වන සමාජ යෙදුම වන අතර එය පිළිවෙලින් 12 සහ 13 වන ස්ථානවල සිටින ස්නැප්චැට් (Snapchat) සහ ට්විටර් (Twitter) වලට වඩා ඉහළින් පැවතීම සුවිශේෂී වේ. ජනප‍්‍රිය සිංහල පොප් ගායිකා සුරේනි ද මේල්  සහ රැපර් කිලර් බී ගායනයෙන් සහ රංගනයෙන් දායක වූ ජනප‍්‍රිය සංගීතඥ   ඉරාජ් වීරරත්න විසින් නිෂ්පාදනය කරන ලද ආඩම්බරයි බැලූ‍වමනම් ගීතය 2008 දී එළිදක්වන ලදී.

ඉරාජ් බොහෝ විට ශ‍්‍රී ලංකාවේ ආර්එන්බී (RNB) සහ හිප්-හොප්  (hip-hop) සංගීතයේ අවිවාදිත රජු ලෙස නමක් දිනාගෙන ඇති අතර දිවයිනේ ඩිජිටල් හා සමාජ මාධ්‍යවල පුරෝගාමියෙකු ලෙස පුළුල් ලෙස පිළිගැනීමට ලක්විය. ඔහු සාර්ථක ඩිජිටල් මාධ්‍ය අලෙවිකරුවෙකු සහ සමාජ මාධ්‍ය උපායමාර්ගිකයකු වන අතර කීර්තිමත් ඩිජිටල් මාධ්‍ය අලෙවිකරුවෙකු ලෙස දිවයිනේ සම්මාන රාශියක් දිනා ඇත.

මෑතකදී ශ‍්‍රී ලංකාවේ ජනප‍්‍රියම සමාජ මාධ්‍ය පෞරුෂයට හිමි සම්මානය 2020 රයිගම් Some Awards (සමාජ මාධ්‍ය සම්මාන)  උළෙලේදී ඉරාජ් විසින් හිමිකරගන්නා ලදී . මීට පෙර ඔහු 2017 වසරේදී එටිසලාට් ආයතනය සංවිධානය කල සමාජ මාධ්‍ය සම්මාන උළෙලේදී ද සමාජ මාධ්‍යවල වඩාත්ම ජනප‍්‍රිය සම්මානය ඔහ දිනාගෙන තිබේ.

මිලියන 150 කට අධික සමුහයක් නරඹන යූ ටියුබ් චැනලයක් ඇති එකම පුද්ගලයා මොහුය, ඔහු යූ ටියුබ් වෙතින් විවිධ සම්මාන ලබා ඇත. ශ‍්‍රී ලංකාවේ සංගීතඥයන්, ගායකයින්, කලාකරුවන් සහ අන්තර්ගත නිර්මාණකරුවන් රාශියකගේ යූ ටියුබ් නිර්මාණය කිරීමට සහ ප‍්‍රවර්ධනය කිරීමට ඔහු දායක වී ඇත.

ඉරාජ් මීට පෙර 2011 දී හොලිවුඞ් මියුසික් ඉන් මීඩියා සම්මාන සඳහා නම් කරන ලද අතර මෙම කීර්තිමත් සම්මානය සඳහා නම් කරන ලද පළමු ශ‍්‍රී ලාංකික සංගීතඥයා ඔහු විය. දෙරණ මියුසික් වීඩියෝ සම්මාන, 2010 චෙන්නායි හි  Vijay Television Awards සම්මාන උළලේදී ජනප‍්‍රියම ගීත යනාදිය ඔහු ලැබූ සම්මාන අතාරින් කිහිපයක් වේ.

ග‍්‍රැමී සම්මාන සදහා  නම් කරන ලද Sean Kingston, Bone Thugs n Harmony, Fatman Scoop, Kurrupt, Soulja Boy, Rio, TruthHurts, Chingy, Cassidy, Kevin Lyttle, King los ඇතුළු ජාත්‍යන්තර කලාකරුවන් සමඟ සහයෝගයෙන් කටයුතු කළ එකම ශ‍්‍රී ලාංකික කලාකරුවා ඔහු ය. Londynn B, Dizzy Wright බොලිවුඞ් ගීත රචක නෙහා කක්කර් සහ මැලේසියාවේ ජනප‍්‍රියම කලාකරුවකු වන Joe Flizo ද ඒ අතරින් සුවිශේෂී වේ.

ඔහුගේ නව ඇල්බමය ‘ඔබ සමඟ’ (With you) දැනට ඇපල් මියුසික් (ශ‍්‍රී ලංකාව) හි දෙවන ස්ථානයේ පසුවන  අතර Cassidy, Kevin Lyttle සහ Fatman Scoop, Soulja Boy ඇතුළු ඇතුළු ජාත්‍යන්තර කලාකරුවන් රැසක් එහි විශේෂාංග චරිත නිරූපණය කරයි.

Visits: 82