Anka EnergyX සහ Harnyss USA එක්ව මෙරට වෙත හයිඩ්රජන් බලශක්ති ගබඩා තාක්ෂණය හඳුන්වා දෙයි
ශ්රී ලංකාවේ තිරසාර බලශක්ති සමාගමක් වන Anka EnergyX, අති නවීන හයිඩ්රජන් බලශක්ති ගබඩා කිරීමේ තාක්ෂණයන්හි ගෝලීය ප්රමුඛයා වන Harnyss USA සමඟ එක්ව රට තුළ කුඩා හා මධ්යම ප්රමාණයේ ව්යවසායන් (SMEs) සඳහා ස්මාර්ට් ජාල හඳුන්වා දී ඇත.
මෙම වැඩසටහන යටතේ හයිඩ්රජන් බලශක්ති ප්රභවය සහ ස්මාර්ට් ජාල පිළිබඳ දැනුම බෙදා ගැනීමේ සම්මන්ත්රණය ”The Power of Hydrogen” සහ පළමු විවෘත සාකච්ඡාව පසුගියදා කොළඹ කිංග්ස්බරි හෝටලයේදී Anka EnergyX ආයතනයේ සත්කාරකත්වයෙන් පැවැත්විණි.
ශ්රී ලංකාව තුල දැනටමත් විශාල වශයෙන් ආයෝජනය කර ඇති සූර්ය, ජල හා සුළං වැනි පුනර්ජනනීය බලශක්ති ප්රභවයන් සමඟ හයිඩ්රජන් බලශක්ති ගබඩා කිරීම සහ ස්මාර්ට් ජාල තාක්ෂණය ඒකාබද්ධ කිරීමේ ප්රතිලාභ පිළිබඳව දැනුවත් කිරීම සහ ඒ හා සම්බන්ධ සංවාද ප්රවර්ධනය කිරීම මෙම සම්මන්ත්රණයෙහි අරමුණයි.
මෙම අවස්ථාව අග්රාමාත්ය ලේකම් අනුර දිසානායක මහතා, ශ්රී ලංකා සුනිත්ය බලශක්ති අධිකාරියේ සහ කර්මාන්ත අමාත්යාංශයේ බලධාරීන්, ප්රධාන විධායක නිලධාරීවරුන්, බලශක්ති සමාගම් අධ්යක්ෂවරුන්, ආයතනික, කුඩා හා මධ්ය පරිමාණ ව්යවසායකයින්, ඉංජිනේරුවන් ඇතුළු පාර්ශවකරුවන් රැසක් සහභාගීත්වයේන් පැවැත්වීය.
මෙම වැඩසටහන ඔස්සේ Smart Grid තාක්ෂණය මගින් ව්යවසායකයින් හට දේශීයව පවතින බලශක්ති යටිතල පහසුකම් වඩා හොඳින් කළමනාකරණය කිරීමටත්, නව පුනර්ජනනීය බලශක්ති ප්රභවයන් ඒකාබද්ධ කිරීමටත්, පරිසරයට සහ ආර්ථිකයට ප්රතිලාභ සැලසෙන වඩාත් ඔරොත්තු දෙන, විශ්වාසදායක සහ තිරසාර බලශක්ති පද්ධතියක් නිර්මාණය කිරීමටත් හැකි වේ. මීට අමතරව, එය රටේ බලශක්ති සහ බලශක්ති යටිතල පහසුකම්වලට ඇති වන කම්පනවලින් වඩා හොඳින් පරිවරණය වීමට පුද්ගලික අංශයට ඉඩ සලසයි.
මෙම වැඩසටහන සම්බන්ධයෙන් Harnyss USA හි ප්රධාන විධායක නිලධාරී Kirby Smith මහතා මෙසේ අදහස් දැක්වීය. “අපගේ ඉලක්කය තමයි අති නවීන හයිඩ්රජන් බලශක්ති ගබඩා කිරීමේ තාක්ෂණය, ප්රමාණාත්මක සහ නම්යශීලි අයුරින් කුඩා හා මධ්ය පරිමාණ ව්යවසායකයින් සඳහා භාවිත කිරීමට සුදුසු පරිදි ගෙන ඒමයි. ඒ වගේම ශ්රී ලංකාවේ මහා පරිමාණ කර්මාන්ත සහ ජාල තාක්ෂණය සමඟින්, අපට බලශක්ති සැපයුම සහ ඉල්ලුම සමතුලිත කිරීමට, විදුලිබල ජාලය ප්රශස්ත කිරීමට සහ සමස්ත බලශක්ති ආරක්ෂාව වැඩි දියුණු කිරීමට උදවු කළ හැකියි. අපගේ විසඳුම් මඟින් ශ්රී ලංකාවේ ව්යාපාරික ක්ෂේත්රයට සහ සමස්තයක් වශයෙන් රටටම, පද්ධතියේ අනෙකුත් අවදානම් සමඟින් කඩින් කඩ පුනර්ජනනීය බලශක්ති ප්රභවයන්ගේ අභියෝග ජය ගැනීමට සහ බලශක්ති සුරක්ෂිතතාව ළඟා කර ගැනීමට උපකාරී වේ.
“අපි Harnyss USA සමඟ හවුල් වී ඔවුන්ගේ පේටන්ට් බලපත්රලාභී තාක්ෂණය ශ්රී ලංකාවට හඳුන්වා දීමට සතුටු වෙනවා,” Anka EnergyX හි අධ්යක්ෂ/ප්රධාන විධායක නිලධාරී Jude Xavier මහතා පැවසුවේ, “මෙම තාක්ෂණය වඩාත් තිරසාර සහ විශ්වසනීයත්වයක් නිර්මාණය කිරීමේදී තීරණාත්මක කාර්යභාරයක් ඉටු කරනු ඇතැයි අපි විශ්වාස කරමු. රටේ බලශක්ති පද්ධතිය සහ ශ්රී ලංකාව බලශක්ති ප්රභවයන්ගෙන් ස්වාධීන කරන්න මේ උත්සාහය විශාල වශයෙන් බලපෑමක් සිදුකරනු ඇති අප බලාපොරොත්තු වෙනවා.
තිරසාර සහ පරිසර හිතකාමී අනාගතයක් සඳහා රටේ කැපවීම පෙන්නුම් කරමින් “Power of Hydrogen” සම්මන්ත්රණය ශ්රී ලංකාවේ බලශක්ති ක්ෂේත්රයේ වැදගත් සන්ධිස්ථානයක් සනිටුහන් කළේය. කර්මාන්තයේ ප්රමුඛයන්ගේ සහාය ඇතිව, ශ්රී ලංකාව විශ්වාසනීය, තිරසාර සහ විශ්වාසනීය බලශක්ති ජාලයක ඉලක්කය සපුරා ගැනීම සඳහා ශක්තිමත් සහ ස්ථාවර වේදිකාවක් ගොඩනැගීම එහි මූලික අරමුණ විය.
![](https://sinhala.enbsl.lk/wp-content/uploads/2020/04/EAB-subs-3-1024x125.jpg)
Views: 69