තිරසර සංවර්ධන අරමුණු පිළිබඳ පංච පුද්ගල වාර්තාව අගමැතිට පිළිගන්වයි

තිරසර සංවර්ධන අරමුණු පිළිබඳ පංච පුද්ගල කමිටු වාර්තාව එම කමිටු සාමාජිකයින් විසින් ඊයේ අගමැති මහින්ද රාජපක්ෂ මැතිතුමා වෙත පාර්ලිමේන්තුවේදී පිළිගන්වන ලදී.

විදේශ කටයුතු අමාත්‍ය දිනේෂ් ගුණවර්ධන මහතාගේ උපදෙස් මත වසර 2030 ගෝලීය තිරසර සංවර්ධන ඉලක්කවලට අදාළ ශ්‍රී ලංකාවේ තිරසර සංවර්ධන අරමුණු සොයා බැලීම පිළිබඳව මෙම පංච පුද්ගල කමිටුව පත් කර තිබිණි.

මෙම පංච පුද්ගල කමිටුවේ සභාපති ලෙස විදේශ කටයුතු අමාත්‍යංශයේ අතිරේක ලේකම් අහමඩ් ජාවිඩ් මහතා කටයුතු කළේය. එසේම කමිටුවේ සෙසු සාමාජිකයින් ලෙස අග්‍රාමාත්‍ය අතිරේක ලේකම් ඇන්ටන් පෙරේරා, අචාර්ය ලොයිඩ් ප්‍රනාන්දු, මහාචාර්ය සී. එස්. වීරරත්න මහත්වරු සහ චාමින්ද්‍රි සපරමාදු මහත්මිය කටයුතු කළහ.

අග්‍රාමාත්‍යතුමාට මෙම වාර්තාව පිළිගන්වන අවස්ථාවට කමිටු සාමාජිකයින්ට අමතරව විදේශ කටයුතු අමාත්‍ය දිනේෂ් ගුණවර්ධන, අග්‍රාමාත්‍ය අතිරේක ලේකම් චමින්ද කුලරත්න, මහත්වරු එක්ව සිටියහ.

Hits: 43