ජෝන් කීල්ස් ප්‍රොපර්ටීස් ඉදිකරන TRI-ZEN හි කුලුණු තුනෙහි ව්‍යුහාත්මක වැඩ අවසන් වෙයි

කොළඹ 2, යූනියන් පෙදෙසේ පිහිටි ජෝන් කීල්ස් ප්‍රොපර්ටීස් හි ස්මාර්ට් නිවාස සංකීර්ණය වන TRI-ZEN, අභියෝගාත්මක සාර්ව ආර්ථික තත්වයන් මධ්‍යයේ පවා MEP නිමකිරීම් කටයුතු සහ කුළුණු තුන තුළ වැඩ නිම කිරීම නිවේදනය කර සිටියි.

ඒ අනුව 2023 අවසානයට වනවිට ව්‍යාපෘතිය නිම කිරීම සඳහා එක්ව උනන්දුවෙන් කටයුතු කරන බව, මෙම ව්‍යාපෘතියට සම්බන්ධ සීමාසහිත ඉන්ද්‍රා ට්‍රේඩර්ස් පුද්ගලික සමාගම සහ ජෝන් කීල්ස් ප්‍රොපර්ටීස් අතර හවුල් ව්‍යාපාරය මෙන්ම TRI-ZEN හි කොන්ත්‍රාත්කරු මෙන්ම ඉදිකිරීම් ක්ෂේත්‍රයේ ගෝලීය ප්‍රමුඛයා වන සීමාසහිත චයිනා ස්ටේට් කන්ස්ට්‍රක්ෂන් ඉංජිනියරින් කෝපරේෂන් (CSCEC) කරමින් පවසා සිටියි.

ඉදිකිරීම්වල අඛණ්ඩ ප්‍රගතිය සහ අදියර අවසන් කිරීම පිළිබඳව ජෝන් කීල්ස් දේපල සමූහයේ ඉංජිනේරු ප්‍රධානී – ලුම්බිණි පතිරගේ මහතා අදහස් දක්වමින්, “ඊළඟ වසරේ (2023) එහි බොහෝ පදිංචිකරුවන්ට මහල් නිවාස ලබා දීමට අප සූදානම් වන අතර, 3 වැනි අදියරෙහි අඛණ්ඩ ප්‍රගතිය සහ එය සම්පූර්ණ කිරීම පිළිබඳව ප්‍රකාශ කිරීමට මම සතුටු වෙමි. එය මෙම අභියෝගාත්මක කාල පරිච්ඡේදය තුළ ඉදිරියට යන TRI-ZEN හි ව්‍යාපෘති කණ්ඩායම්වල අභිමතය සහ දැඩි අධිෂ්ඨානය පිළිබඳ සාක්ෂියකි.” යනුවෙන් පවසා සිටියි.

වැඩ අවසන් වූ පසු TRI-ZEN නේවාසික කුළුණු තුනකින් සමන්විත වන අතර, මුළු මහල් නිවාස 891 ක් ලබා දෙයි; ඒ සෑම එකකටම 1, 2 සහ 3-නිදන කාමර ඒකක මිශ්‍රණයක් ඇතුළත් වේ. සෑම ඒකකයක්ම ගෝලීයව පිළිගත් මට්ටමේ ස්මාර්ට් හෝම් තාක්‍ෂණයෙන් සහ මෝස්තර නිර්මාණ අංගයන්ගෙන් සමන්විත වන අතර එමඟින් පදිංචිකරුවන්ට පහසු සහ සමකාලීන ජීවන රටාවක් භුක්ති විඳීමට ඉඩ සලසයි.

ව්‍යාපෘතියේ ප්‍රගතිය පිළිබඳව අදහස් දක්වමින් සීමාසහිත චයිනා ස්ටේට් කන්ස්ට්‍රක්ෂන් ඉංජිනියරින් කෝපරේෂන් හි ව්‍යාපෘති කළමනාකරු – ජෝර්ඩන් ලී, “TRI-ZEN සඳහා ප්‍රධාන කොන්ත්‍රාත්කරු ලෙස අපගේ මුඛ්‍ය අරමුණ වන්නේ පීඩනයට ලක් වූ ගෝලීය ආර්ථික තත්ත්වයන් යටතේ පවා අවම ප්‍රමාදයකින් අඛණ්ඩව ඉදිකිරීම් සහ ලබා දීම සහතික කිරීමයි. CSCEC ලොව පුරා ප්‍රසිද්ධ වී ඇත්තේ එහි ප්‍රවීණත්වය සහ ඉදිකිරීම් පිළිබඳ නවෝත්පාදනයන් සඳහා වන අතර විශේෂයෙන් තාක්‍ෂණය මත පදනම් වූ, ස්මාර්ට් ව්‍යාපෘති සම්බන්ධයෙන්ය. TRI-ZEN, “Colombo Skyline” ව්‍යාපෘතියට පමණක් සීමා නොවී අපගේ ගොඩනැගිලි නිර්මාණයන්/ඉදිකිරීම් කළඹ තුළ ද ප්‍රමුඛයෙකු වනු ඇතැයි අපේක්ෂා කරන අතර, ව්‍යාපෘතියේ කොටස්කරුවෙකු වීම පිළිබඳ අපි සතුටු වන්නෙමු.” යනුවෙන් පවසයි.

නාගරික වාසස්ථානයක් ලෙස සැලකෙන TRI-ZEN, නේවාසික පහසුකම්, හරිත අවකාශයන්, ධාවන පථයක්, පිහිනුම් තටාක, යෝග්‍යතා සහ සුවතා මැදිරියක් සහ ක්‍රීඩා කාමරයක් ඇතුළු තවත් බොහෝ දේවලින් සමන්විත වේ.

මෙම මහල් නිවාස සංකීර්ණය අනාගත නිවාස හිමියන්ට වඩාත් ආකර්ශනීය වන්නේ එහි පිහිටීමයි – කොළඹ ප්‍රධාන පොදු ප්‍රවාහන පර්යන්ත, ව්‍යාපාරික මධ්‍යස්ථාන, පාසල්, රෝහල්, ආකර්ශනීය ස්ථාන සහ විනෝදාස්වාද ස්ථාන වලින් පියවර කිහිපයක් හෝ කෙටි දුරක් ඈතින් පිහිටා ඇත.

Hits: 136