“ඇගළුම් සේවකයන්ගෙන් 90%කට පූර්ණ එන්නත්කරණයක් සිදු කර අවසන්” – JAAF

අද වනවිට සමස්ත ඇගලුම් සේවකයන්ගෙන් 90%කට ආසන්න ප්‍රතිශතයකට කොවිඞ්-19 මර්දන එන්නත් මාත්‍රා දෙකම ලබා දී ඇති බවත්, 70%කට වැඩි පිරිසකට එක් එන්නත් මාත්‍රාවක් ලබා දී ඇති බවත් ඒකාබද්ධ ඇඟළුම් සංගම් සංසදය (JAAF) සහ සමාජික සමාගම් පවසයි.

ඒ අනුව කොවිඞ්-19 වසංගතය ආරම්භ වූ 2020 දී සිටම ඒකාබද්ධ ඇඟළුම් සංගම් සංසදය (JAAF) සහ සමාජික සමාගම් ඔවුන්ගේ කර්මාන්තශාලවල හා පහසුකම්වල මෙම වෛරසය පැතිරීමේ අවදානම පිළිබඳව දැඩි අවධානයෙන් පසුවන බව මේ සම්බන්ධව කරුණු කිහිපයක් සඳහන් කරමින් එම සංගමය පවසයි.

ඒ අනුව සැප්තැම්බර් 09 වෙනිදා වන විට, මෙම කර්මාන්තශාලාවල සේවය කරන සේවක සේවකයින්ගෙන් 90% කට වඩා වැඩි පිරිසකට කොවිඞ් ප‍්‍රතිශක්තිකරණ එන්නතේ එක් මාත‍්‍රාවක් ද 70% කට වැඩි පිරිසකට එන්නත් මාත‍්‍රා දෙකම ලබා දී තිබේ. වත්මන් එන්නත් කිරීමේ වැඩපිළිවෙල අනුව, 2021 සැප්තැම්බර් අවසන් වන විට අපගේ සමස්ත ශ‍්‍රම බලකායට එන්නත් මාත‍්‍රා දෙකම ලබා දීමට හැකි වනු ඇතැයි සංගමයේ බලාපොරොත්තුව වෙයි.

එසේම සැපයුම් දාමයට සම්බන්ධ සමාගම් සහ ආපනශාලා සේවා, ආරක්ෂක නිලධාරීන් සහ කර්මාන්තශාලාවලට කම්කරුවන් ප‍්‍රවාහනය කරන හා කර්මාන්තශාලා වෙතට හා ඉන් පිටතට ද්‍රව්‍ය ප‍්‍රවාහනය කිරීම වැනි සේවා සපයන්නන්ට ද එන්නත් ලබා දෙන බවට JAAF සාමාජික සමාගම් සහතිකයක් ලබා දී ඇත. බොහෝ සමාගම් මෙම ක‍්‍රියාවලිය දැනටමත් ආරම්භ කර ඇති අතර ඉතා ඉක්මනින් මෙම සියලූම පාර්ශවයන්ට එන්නත ලබා දී අවසන් කිරීමට ඔවුන් අපේක්ෂාව වී තිබේ.

මීට අමතරව සෞඛ්‍ය අමාත්‍යාංශය විසින් නියම කර ඇති සමාජ දුරස්ථභාවය සහ අනෙකුත් ආරක්ෂක ක‍්‍රමවේදයන් පිළිබඳව අඛණ්ඩව දැඩිව විමසිලිමත් වීම හා ක‍්‍රියාත්මක වීම සිදුවෙයි. වෛරසය පැතිරීමේ අවදානම අවම කිරීම සඳහා බොහෝ කර්මාන්තශාලා විසින් සේවක සේවිකාවන් සඳහා ආරක්ෂිත පරිසරයක් නිර්මාණය කර ඇතැයිද පවසයි..

“පසුගිය වසර මුල කොවිඞ් වසංගතය පැතිරීම ආරම්භ වූ දා සිට, JAAF සාමාජික සමාගම් සෞඛ්‍ය අමාත්‍යාංශය විසින් නිර්දේශිත කොවිඞ් ආසාදිතයින් හඳුනා ගැනීමට අවශ්‍ය PCR පරීක්ෂණ සිදු කිරීමේ අවශ්‍යතා හා ප‍්‍රමිතීන්ට අනුකූලව කටයුතු කරමින් සිටියේය. හොඳින් වාතාශ‍්‍රය ඒමට හා පිටවීමට ඇති පද්ධති ඵලදායීව, කාර්යක්ෂවම හා සම්පූූර්ණයෙන් ක‍්‍රියාත්මක වන බවට ද කර්මාන්තශාලා සහතික වෙයි. “ යනුවෙන්ද ඒකාබද්ධ ඇගලුම් සංගම් සංසදය පවසයි.

මේ අතර, මහජන සෞඛ්‍ය බලධාරීන්ගේ සම්බන්ධීකරණය සහිතව සිය කර්මාන්තශාලා හා පහසුකම් පිහිටා ඇති ප‍්‍රදේශවල සේවය කරන ප‍්‍රජාවන්ගේ සෞඛ්‍යාරක්ෂාව ඉහළ නැංවීමේ ක‍්‍රම පිළිබඳවද JAAF සොයා බලමින් සිටින බව සඳහන් කරයි ; එහි ඊළඟ පියවර වන්නේ සේවක පවුල් සඳහා කඩිනමින් එන්නත් ලබා දිය හැක්කේ කෙසේදැයි සොයා බැලීම බවත් ඔවුන් පවසයි.

මීට අමතරව, වත්මන් තත්ත්වය සහ අළුත්ම වැඩපිළිවෙලවල් පිළිබඳව සේවක සේවිකාවන් දැනුවත් කිරීම සඳහා කර්මාන්තශාලාවල අඛණ්ඩව දැනුවත් කිරීමේ වැඩසටහන් පවත්වනු ලබන බවත එම සංගමය පෙන්වා දෙයි.

“අපගේ ශ‍්‍රම බලකායේ මානසික හා ශාරීරික යහපැවැත්ම පිළිබඳව ඉතා දැඩි සැලකිල්ලක් දක්වන JAAF සාමාජික සමාගම් සේවක සේවකයින්ගේ ආරක්ෂාව සහතික කිරීම සඳහා කළ යුතු සෑම දෙයක්ම කරනවා. එහි සාමාජිකයින් විසින් ඉදිරි වැඩකටයුතු පිළිබඳව වරින් වර බලධාරීන් සහ මහජනතාව දැනුවත් කරනු ඇති අතර එම කටයුතුවල ප‍්‍රගතිය පිළිබඳ යාවත්කාලීන හා වෙනස්කම් පිළිබඳව තොරතුරු ද දීමට නියමිතව තිබේ.” යනුවෙන්ද ඒකාබද්ධ ඇගලුම් සංගම් සංසදය පවසයි.

Hits: 57