මහේල සහ ඩයන් ගෝමස් එක්ව කරාපිටිය රෝහලේ මහල් 10ක පිළිකා වාට්ටු සංකීර්ණයක් ඉදිකිරීමේ එකඟතාවක
ප්‍රවීණ ක්‍රිකට් ක්‍රීඩක මහේල ජයවර්ධන සහ ව්‍යාපාරික ඩයන් ගෝමස් යන මහත්වරුන් සෞඛ්‍ය අමාත්‍යාංශය සමගින් සම්බන්ධවී පිහිටුවා ගන්නා ලද Colours of Courage Trust (Guarantee) Limited ආයතනය මගින් ගාල්ල කරාපිටිය රෝහලේ පිළිකා ඒකකය වෙනුවෙන් මහල් දහයක නව ගොඩනැගිල්ලක් ඉදිකිරීමේ දායකත්වය ලබාදීමට සූදානම් සිටින බව පවසයි.
ශ්‍රී ලංකා යුද්ධ හමුදාව විසින් නොමිලේ ලබා දෙන ශ්‍රම දායකත්වය යටතේ මෙම ගොඩනැගිල්ල ඉදිකිරීම සැලසුම වී තිබේ.
ඒ අනුව මෙම ව්‍යාපෘතියට අදාළ අවබෝධතා ගිවිසුම් අත්සන් තැබීම පසුගියදා බත්තරමුල්ල ආරක්ෂක මූලස්ථාන සංකීර්ණයේ පිහිටි ආරක්ෂක අමාත්‍යාංශයේදී සිදුව තිබේ.
මෙම අවස්ථාවසඳහා ආරක්ෂක අමාත්‍යාංශයේ ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික), සෞඛ්‍ය අමාත්‍යාංශයේ ලේකම් වෛද්‍ය පී.ජී. මහිපාල මහතා සහ Colours of Courage Trust (Guarantee) Limited හි මහේල ජයවර්ධන හා ඩයන ගෝමස් යන මහත්වරුන් සහභාගි වී සිට ඇත.
Views: 171
