සන්ෂයින් හෝල්ඩිංග්ස් වෙතින් කොටසකට රුපියල් 1.15 බැගින් ලාභාංශ ගෙවීමක්
කොළඹ කොටස් හුවමාරුවෙහි ලැයිස්තුගත සන්ෂයින් හෝල්ඩිංග්ස් පීඑල්සී සමාගම (SUN.N0000) සිය කොටස් හිමිකරුවන් සඳහා ලාභාංශ ගෙවීමට තීරණයකර ඇතැයි පවසයි.
ඒ අනුව සමාගම මගින් නිකුත් කර ඇති සෑම ඡන්ද හිමි කොටසක් සඳහාම රුපියල් 1.15ක් බැගින් ලාභාංශ ගෙවීම සිදු කරන බව සමාගම පවසයි.
මෙය 2023 මාර්තු 31 වැනිදායින් අවසන් වූ මූල්‍ය වර්ෂය වෙනුවෙන් ලබා දෙන අවසන් ලාභාංශ ගෙවීම ලෙස සටහන්ව තිබේ.
මෙහිදී ලාභාංශ ගෙවන දිනය ලෙස ලබන ජූලි 18වැනිදා ප්‍රකාශ කෙරී ඇති අතර, ලාභාංශරහිත දිනය (XDDate) ලෙස ජූනි 26 වැනිදා නම් කෙරී තිබේ.
මේ අතර අදාළ ලාභාංශ ගෙවීමේ තීරණය සම්බන්ධයෙන් සිය කොටස් හිමිකරුවන්ගේ අනුමැතියක් අවශ්‍යව ඇති බවත්, ඒ සඳහා වන මීළග වාර්ෂික මහා සභා රැස්වීම ලබන ජූනි 23 වැනිදා පැවැත්වෙන බවත් සන්ෂයින් හෝල්ඩිංග්ස් පීඑල්සී සමාගම පවසයි.
Visits: 41
