ශ්රී ලංකාවේ ඇඟළුම් කර්මාන්තය 2025දී ඩො.බිලියන 8ක් වටිනා කර්මාන්තයක් බවට පත් කළ හැකියි
වර්තමානයේදී ගෝලීය ඇගලුම් කර්මාන්තයේ වටිනාකමින් 1%ක් එනම් එක්සත් ජනපද ඩොලර් බිලියන 5.3ක අගයක් ගන්නා මෙරට ඇගලුම් කර්මාන්තය වසර 2025 වනවිට ඩොලර් බිලියන 8ක කර්මාන්තයක් බවට පත් කිරීමට හැකි බව ඇඟළුම් ක්ෂේත‍්‍රයේ ප‍්‍රවීණයෙකු වන ශිරේන්ද්‍ර ලෝරන්ස් මහතා පවසයි.
ඔහු වර්තමානයේදී ශ්රී ලංකා ඇඟළුම් අපනයනකරුවන්ගේ සංගමයේ උප සභාපතිවරයාද වේ. එසේම ඔහු MAS හෝල්ඩිංග්ස් හි විධායක අධ්‍යක්ෂවරයෙකු ද වේ.
විශේෂයෙන්ම ශ්රී ලංකාවේ ආර්ථිකයට සැලකිය යුතු දායකත්වයක් දක්වන ඇඟළුම් සහ රෙදිපිළි කර්මාන්තය 1948 නිදහසින් පසු ආරම්භ වූයේ පුරෝගාමී කර්මාන්තකරුවන් කිහිප දෙනෙකු ඒ සඳහා දේශීය වෙළඳපොලේ අවස්ථා දැකීමෙන් පසුව බව ඒ මහතා පවසයි.
“70 දශකයේ මුල් භාගය වන විට අවශ්‍ය විදේශ විනිමය ගෙන ඒම සඳහා අපනයනය වෙත යොමු වූ අතර, ගුණාත්මක නිෂ්පාදන නිෂ්පාදකයෙකු ලෙස ශ්රී ලංකාවේ කීර්ති නාමය තහවුරු කරන ලදී.
90 දශකය තුළ ඇඟළුම් කම්හල් 200 ක් පිහිටුවීමේ වැඩසටහන මගින් පුළුල් පහසුකම් සපයන ලද අතර, නිෂ්පාදන ශ්රී ලංකාව පුරා ව්‍යාප්ත කරන ලදි. එමෙන්ම මෙම ක්ෂේත‍්‍රය රටේ ග‍්‍රාමීය ආර්ථිකයන් නඟා සිටුවීමේ ප‍්‍රධාන කාර්යභාරයක් ඉටු කළේය.
මෙම වසංගතය ශ්රී ලංකාවේ ආර්ථිකයට අහිතකර ලෙස බලපෑම් කිරීමත් සමඟ 2025 වන විට ශ්රී ලංකාව ඇමරිකානු ඩොලර් බිලියන 8 ක ගෝලීය ඇඟළුම් මධ්‍යස්ථානයක් දක්වා ඔසවා තැබීමේ අපගේ දැක්ම වෙත ලඟාවීම අන් කවරදාටත් වඩා දැන් තීරණාත්මක ය.” ඒ මහතා පවසයි.
ශිරේන්ද්‍ර මහතා ලන්ඩන් විශ්වවිද්‍යාලයේ ඉම්පීරියල් විද්‍යාලයෙන් යාන්ත‍්‍රික ඉංජිනේරු (ගෞරව) උපාධියක් ලබා ඇත. වරලත් යාන්ත‍්‍රික ඉංජිනේරුවෙකි. ඔහු එක්සත් රාජධානියේ සහ ශ්රී ලංකාවේ නිෂ්පාදන, ව්‍යාපාර සංවර්ධනය සහ සංවිධාන නායකත්වය පිළිබඳ වසර 35කට වැඩි පළපුරුද්දක්ද ඇත.
වත්මන් තත්වය
2019 දී ගෝලීය ඇඟළුම් අපනයන වටිනාකම ඩොලර් බිලියන 492 කි. ශ්රී ලංකාවේ දායකත්වය මෙයින් 1%ක් වන අතර එය ඩොලර් බිලියන 5.3ක් වෙයි. එය ඩොලර් බිලියන 8 දක්වා වර්ධනය කිරීමේ කර්මාන්තයේ අපේක්ෂාව අසාධාරණ නොවේ.
ලොව ප‍්‍රමුඛ පෙළේ වෙළෙඳ නාම සහ සිල්ලර වෙළෙන්දන්ගේ සැපයුම් දාමයන් තුළ ශ්රී ලංකාව විශ්වාසනීය හවුල්කරුවෙකු ලෙස කීර්තියක් අත්කර ගෙන ඇත. රටේ ඇඟළුම් කර්මාන්තය කුඩා හා මධ්‍ය පරිමාණ ව්‍යවසායක (SMEs)කණ්ඩායම්වලින් සමන්විත වේ.
ශ්රී ලංකාවේ ඇඟළුම් අංශය කුඩා පරිමාණයෙන් වුවද එහි සමහර කලාපීය තරගකරුවන්ට වඩා සාපේක්ෂ වශයෙන් ඉහළ ශ‍්‍රම පිරිවැයක් තිබියදීත් අවම අපනයන වෙළෙඳපොළ ප‍්‍රවේශයක් සමඟින් තරගකාරී වාසි සඳහා වෙනත් මූලාශ‍්‍රයන් භාවිතා කරමින් තවමත් ප‍්‍රගතියක් ලබා ඇත. ශ්රී ලංකාව විශ්වසනීයත්වය සහ නිෂ්පාදනවල ගුණාත්මකභාවය අතින් ඉහළ ස්ථානයක සිටින අතර එමඟින් රටේ කීර්ති නාමය සහ ජාත්‍යන්තරයේ අත්කර ගනෙ තිබෙන ස්ථානය ඉහළ නංවා ගෙන ඇත. ශ්රී ලාංකේය නිෂ්පාදකයින් විසින් සපයනු ලබන ගෝලීය වෙළෙඳ නාම සහ වෙළෙඳසැල් හිමියන් ලැයිස්තුවෙන් මෙය වඩාත් හොඳින් පිළිබිඹු වේ.
වෙළඳපොළ හුවමාරු ඉහළ නැංවීම
මෙම අරමුණ වෙනුවෙන් හොඳින් ආයෝජනය කර ඇති අතර මෙරට ඇඟළුම් ක්ෂේත‍්‍රයේ සැබෑ හැකියාව අවබෝධ කර ගැනීම සඳහා සිදුවෙමින් පවතින වෙළෙඳපොළ හුවමාරු අවබෝධ කර ගනිමින් මෙම වැදගත් අංශ සම්පූර්ණයෙන්ම ශක්තිමත් කිරීම වැදගත් වේ.
අධ්‍යයනවලින් පෙනී යන්නේ පෙරදිග සහ බටහිර අතර දේශපාලන හා ආර්ථික ආතතීන් වැඩිවීම චීනයෙන් වෙළෙඳාම් සංචලනය වීමට හේතු වන බවයි. මෙම සංචලනයන් පූර්ව වසංගතයක් ආරම්භ වී ඇති බවක් පෙනෙන්නට තිබුණද, අමතර අවදානම් මානයන් එකතු කිරීමට අවශ්‍ය නොවීම ප‍්‍රමාද වී ඇත, කෙසේ වෙතත්, මෙම මාරුව 2022 සහ ඉන් ඔබ්බට වඩාත් වේගවත් වනු ඇතැයි අපේක්ෂා කෙරේ.
තරඟකාරී වාසියක් පවත්වා ගැනීම
”නිවැරදි දේ කිරීම” ශ්රී ලංකාවේ ඇඟළුම් කර්මාන්තයේ දර්ශනය වී ඇත. මෙය ශ්රී ලංකාවට කීර්තිමත් වෙළෙඳනාම සහ private label වෙළෙන්දන් ආකර්ෂණය කර ගැනීමට ප‍්‍රධාන වූ අතර ලෝකය පුරා ව්‍යාප්ත කිරීමේ වගකීම් දරන සදාචාරාත්මක වෙළඳ මුලපිරීමේ (ETI) අපේක්ෂාවන් සමඟ අපි මෙම පෙළගැස්ම අඛණ්ඩව කරගෙන යන්නෙමු. Worldwide Responsible Accredited Production (WRAP)සහ අනෙකුත් සංවිධාන සහ ප‍්‍රමිතීන්, සමාජ වගකීම් කෙරෙහි අවධානය යොමු කර ඇත.
ශ්රී ලාංකේය නිෂ්පාදකයින් පාරිසරික වගකීම් සහිත නිෂ්පාදන, තිරසාර ඇඟළුම් සන්ධානය (SAC) වැනි පවත්නා සහ නැගී එන සංවිධාන සමඟ ශක්තිමත් සම්බන්ධතා, ඔවුන්ගේ කාබන් පියසටහන් අඩු කිරීමේ ආයෝජන හරහා සදාචාරාත්මක නිෂ්පාදන සඳහා ඔවුන්ගේ කීර්ති නාමය පවත්වා ගෙන ඇත. පොසිල ඉන්ධන බොයිලේරු ජෛව ස්කන්ධය බවට පරිවර්තනය කිරීම සහ සූර්ය බලශක්තිය වැනි පරිසර හිතකාමී බලශක්ති ප‍්‍රභවයන් හඳුන්වා දීම එහිදී ප‍්‍රධාන තැනක් ගනී.
වැඩිදියුණු කළ වෙළෙඳ ප‍්‍රවේශය ඉතා වැදගත් වේ
පවතින සහ හඳුනාගත් ප‍්‍රධාන අපනයන වෙළෙඳපොලවල් සඳහා වැඩි මනාප වෙළඳපල ප‍්‍රවේශය සහ අනෙකුත් රටවලට තීරුබදු අඩු කිරීම් සුරක්ෂිත කරන අතරම EU සහ UK GSP+ යෝජනා ක‍්‍රම යටතේ පවතින සහන රඳවා ගැනීම අරමුණු කරයි. ඇඟළුම් අපනයනය සඳහා තීරුබදු විශාල වශයෙන් හෝ සමහර අවස්ථාවල 30% ට වඩා වැඩි වන ඇමරිකා එක්සත් ජනපදය වැනි ප‍්‍රධාන වෙලඳපොලවල්වල අපගේ සාර්ථකත්වය සලකා බැලීමේදී, තීරුබදු නිදහස් කිරීම් හෝ අඩු කිරීම් ලබා දෙන්නේ නම් සැලකිය යුතු අවස්ථාවක් තිබේ.
වේගයෙන්ම වර්ධනය වන කලාපීය ආර්ථිකයන්ගෙන් එකක් වන ඉන්දියාවට වසරකට ඇඟළුම් භාණ්ඩ මිලියන 8ක අපනයන කෝටාව වැඩි කිරීමට ශ්රී ලංකාව අවශ්‍ය වේ. චීන වෙළෙඳපොළ ද විශාල විභවයක් ඉදිරිපත් කරයි.
හිතකර ප‍්‍රතිපත්ති අවශ්‍යයි
රේගු නිෂ්කාශන ක‍්‍රියාවලීන් ඩිජිටල්කරණය ඇතුළුව වෙළඳ පහසුකම් නවීකරණය කිරීම සඳහා මෑතකාලීන මුලපිරීම් ඇති අතර, නව්‍ය ඇඟළුම් මධ්‍යස්ථානයක් ලෙස පරිණාමය වීමට තවත් බොහෝ ප‍්‍රතිපත්ති ප‍්‍රතිසංස්කරණ අවශ්‍ය වේx නවෝත්පාදනය සඳහා ආරක්ෂිත සහ හිතකර පරිසරයක් අවශ්‍ය වේ. ඒ හා සමානව, අද අප ජීවත් වන වෙනස් ලෝකය පිළිබිඹු කිරීම සඳහා යටත් විජිත යුගයේ කම්කරු නීති ප‍්‍රතිසංස්කරණය කිරීම අත්‍යවශ්‍ය වේ.
පසුගාමී ඒකාබද්ධතාවය සහ ස්වයංක‍්‍රීයකරණය සම්බන්ධ ආයෝජන සඳහා හිතකර ප‍්‍රතිපත්ති සහ දිරිගැන්වීම් සැපයිය යුතුය. එරාවූර් රෙදිපිළි නිෂ්පාදන කර්මාන්ත උද්‍යානය මේ සම්බන්ධයෙන් වැදගත් වර්ධනයකි.
අවසාන වශයෙන්, ශ්රී ලංකාවේ ඇඟළුම් කර්මාන්තය විකාශනය වීම, නවෝත්පාදන සහ තාක්ෂණ ගලා ඒම වැඩිදියුණු කරන අතරම සෘජුව සහ වක‍්‍රව – සෘජුව සහ වක‍්‍රව – විදේශ ආයෝජන, රැකියා අවස්ථා සහ අපනයන ඉපැයීම් වැඩි කිරීම, අඛණ්ඩව රටට ප‍්‍රතිලාභ ගෙන දෙන බවට සැකයක් නැත.
Visits: 661
