කප්රුක ආයෝජක සමුළුව අති-සාර්ථකව පැවැත්වෙයි

ජාත්‍යන්තරව මෙහෙයුම් කටයුතුවල නියැලෙන ශ්‍රී ලංකාවේ විශාලතම දේශීය විද්‍යුත් වාණිජ (e-commerce) සමාගම වන කප්රුක හෝල්ඩින්ග්ස් ලිමිටඩ් සමාගම සිය ප්‍රථම පොදු කොටස් නිකුතුවට පෙර Zoom තාක්ෂණය ඔස්සේ පැවැත්වූ ආයෝජක සම්මන්ත්‍රණය සහ විශ්ලේෂකයන් සඳහා වූ වැඩසටහන ඊයේ (16 දා) කොළඹ  සිනමන් ග්‍රෑන්ඩ් හෝටලයේ දී සාර්ථක ලෙස අවසන් විය.

මෙරට මූල්‍ය ක්ෂේත්‍රයේ ප්‍රවීණ ආයෝජක උපදේශකවරුන් මෙන්ම, තනි පුද්ගල ආයෝජකයින්, කොටස් වෙළදපොලේ සියලු මට්ටම් නියෝජනය කරමින් විවිධ තැරව්කාර සමාගම්ද මේ අවස්ථාව සඳහා සහභාගී විය.

මෙම ආයෝජක සැසියේ දී කප්රුක සමාගමේ ආයතනික කළමනාකාරීත්වය විසින් එම සමාගමේ සුවිශේෂත්වය සහ සාර්ථකත්වය පිළිබඳසහභාගි වූ ආයෝජකයින් දැනුවත් කළ අතර, ඉන් අනතුරුව දෙපාර්ශ්වයේ සක්‍රීය සහභාගිත්වයෙන් ප්‍රශ්නෝත්තර සැසියක් පැවැත්විණි. එමෙන් ම එහි දී ප්‍රධාන තීරකයින් සමඟ ගැඹුරු ලෙස සාකච්ඡා කිරීමේ අවස්ථාව හිමිවීම ද ඊට සහභාගී වූ ආයෝජකයින්ට ලැබුණු සුවිශේෂී වරප්‍රසාදයකි.

කප්රුක සමාගමේ නිර්මාතෘ සහ ප්‍රධාන විධායක නිලධාරීදුලිත් හේරත් මහතා මෙම ආයෝජක සැසිය පිළිබඳ සිය අදහස් දැක්වූයේ මේ අයුරිණි. “අපි අපගේ ආයෝජකයින්ට විශාල අනාගත වටිනාකමක් සහිත සුවිශේෂී ආයෝජන අවස්ථාවක් ලබා දීල තිබෙනවා. ඒ වගේම ආයෝජකයින්ගේ පාර්ශ්වයෙන් අපට ලැබුණු උණුසුම් හා උද්යෝගිමත් පිළිගැනීම ගැන අපි ඉතා සතුටට පත් වෙනවා. මෙම ආයෝජක සැසිය තුළ දී ඇතැම් ක්ෂේත්‍ර සම්බන්ධව තියුණු ලෙස ආයෝජකයින්ගේ අවධානය යොමු වුණා. ඒ වගේ ම එම අවස්ථා වලදී ඉතා ප්‍රශස්ථ මට්ටමින් පිළිතුරු ලබා දෙමින් ආයෝජකයින්ගේ ආකර්ෂණය දිනා ගැනීමට අපට හැකි වුණා. ඒ අනුව අපි 2021 දෙසැම්බර් 22 වන දිනඅපගේ කොටස් නිකුතුව විවෘත කිරීමට බලාපොරොත්තු වෙනවා. ඒ වගේ මඑහි දීපුළුල් පරාසයකවිසිරී සිටින  ආයෝජකයින්ගේ ආකර්ෂණය සහ සක්‍රීය සහයෝගය අපටලැබෙනු ඇතැයිඅපි විශ්වාස කරනවා.මෙම අවස්ථාවට සහභාගී වූ සියලු දෙනාටමගේ පෞද්ගලිකස්තූතිය පුද  කිරීමටත්, අපගේ අනාගත ආයෝජකයින් සියලුම දෙනා හෘදයාංගමව පිළිගැනීමටත්  මම මෙය අවස්ථාවක් කර ගන්නවා.”

කප්රුක සමාගම සිය මූලික කොටස් නිකුතුවේ (IPO) දී එක් කොටසක් රුපියල් 15.40  බැගින් කොටස් 32,826,000 ක් ආයෝජකයින් වෙත මුදාහැරීමට නියමිත අතර, එමගින් සිය සේවාවන් වැඩිදියුණු කිරීමට සහ නව සේවාවන් ආරම්භ කිරීමට අවශ්‍ය තාක්‍ෂණික ක්‍රමවේදයන් හා යටිතල පහසුකම් සංවර්ධනය කිරීම  සඳහා අරමුදල් සපයා ගැනීම කප්රුක සමාගමේ අරමුණයි.

2002 වසරේදී ආරම්භ කරන ලද කප්රුක සමාගම වර්තමානය වන විට ජාත්‍යන්තරව මෙහෙයුම් කටයුතුවල නියැලෙන ශ්‍රී ලංකාවේ විශාලතම දේශීය විද්‍යුත් වාණිජ සමාගම බවට පරිවර්තනය වී ඇත. 

ශ්‍රී ලාංකික සහ විදේස්ගත පාරිභෝගික ජනතාව වෙතසිය වෙබ් අඩවිය හරහා භාණ්ඩ මිලදී ගැනීමේ පහසුකම් සලසන කප්රුක සමාගම ඉතා කාර්‍යක්ෂම හා සංවිධානාත්මක සැපයුම් දාමයකින් සමන්විත වන අතර, බේකරි අයිතම, මල් සැකසුම්, කල් තබාගත හැකි ලෙස වැඩිදියුණු කරන ලද පළතුරු සහ එළවලු ඇතුළු තවත් නිෂ්පාදන රැසක් කප්රුක සන්නාමය යටතේ වෙළෙඳපොළ වෙත නිකුත් කෙරේ.

එමෙන් ම කප්රුක සමාගම කීර්තිමත් සන්නාමයන් 500 කට අධික සංඛ්‍යාවක් සමග හවුල්කාරීත්වයන් ගොඩනඟා ගනිමින් අන්තර්ජාලය ඔස්සේ භාණ්ඩ මිල දී ගන්නා සිය පාරිභෝගිකයින්ට සෑමවිටම උසස් සේවාවක් ලබා දීමට කටයුතු කරයි.

ඇමරිකා එක්සත් ජනපදය පුරා විසිර සිටින විදෙස්ගත ශ්‍රී ලාංකික සේවා දායකයින් මිලියන 1.1 කට අධික ප්‍රමාණයක් ශ්‍රී ලංකාවේ වෙසෙන තම පවුලේ සාමාජිකයින්ට හා මිතුරන්ට ත්‍යාග යැවීම සඳහා නිබඳවම කප්රුක ආයතනය හා අත්වැල් බැඳගනීම විශේෂත්වයකි.

තවද Amazon, eBay, Etsy සහ Walmart වැනි ගෝලීය විද්‍යුත්වාණිජ්‍ය සේවාවන් තුළDilmah, Akbar Tea, Link Samahan  වැනිමෙරට ප්‍රමුඛතම සන්නාමයන් සඳහාඉහළ වෙළෙඳපොළක් නිර්මාණය කරන පුරෝගාමී දේශීය විද්‍යුත්-වාණිජය වෙබ් අඩවිය ලෙස දකප්රුක  හඳුන්වා දිය හැකි ය.එමෙන් ම කප්රුක යනු විදෙස්ගත ශ්‍රී ලාංකිකයින්ට සහ අනෙකුත් ගෝලීය පාරිභෝගිකයින් වෙත ද සේවා සැපයීම මගින් ඇමරිකානු ඩොලර් ඉහල අගයක විදේශ විනිමය උපයන මෙරට විද්‍යුත් – වාණිජ්‍ය සමාගම් කිහිපය අතරින් එකකි. කප්රුක සමාගමේ ප්‍රධාන මෙහෙයුම් කාර්යාලය කොළඹ පිහිටා ඇති අතර, ඇමරිකා එක්සත් ජනපදය, එක්සත් රාජධානිය සහ ඕස්ට්‍රේලියාව යන රටවල ද මේ වනවිට එම සමාගමේ ශාඛා කාර්යාල පිහිටා ඇත.

Visits: 424