ඩරාස් ශ්‍රී ලංකා ‘ඉටුකම’ අරමුදලට රු.මිලියන 2ක් ප්‍රදානය කරයි

ඩරාස් ශ්‍රී ලංකා ආයතනය ඉටුකම කොවිඩ්-19 සෞඛ්‍ය හා සමාජ ආරක්ෂණ අරමුදල ඉහළ  නැංවීම සඳහා රුපියල් මිලියන 2ක මුදල් චෙක්පතක් ඊයේ (19) දින පස්වරුවේ දී ගරු අග්‍රාමාත්‍ය මහින්ද රාජපක්ෂ මහතාට අරලියගහ මන්දිරයේ දී භාර දීම සිදුව තිබේ.

මෙයට සමඟාමීව කොවිඩ් රෝගීන්ට ප්‍රතිකාර කිරීමේ දී සෞඛ්‍ය කාර්ය මණ්ඩල සඳහා අවශ්‍ය පී.පී.ඊ (PPE) කට්ටල තොගයක් ද ඩරාස් ශ්‍රී ලංකා නියෝජිතයෝ අග්‍රාමාත්‍යතුමාට භාර දී ඇත.

කොවිඩ්-19 හමුවේ රටේ සෞඛ්‍ය හා සමාජ ආරක්ෂණ කටයුතු සඳහා මින් ඉදිරියටත් රජයට අවශ්‍ය සහය ලබාදීමට සූදානම් බව ඩරාස් ශ්‍රී ලංකා ආයතනය සඳහන් කරයි.

මෙම අවස්ථාවට තරුණ හා ක්‍රීඩා අමාත්‍ය, ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ, පළාත් සභා හා පළාත් පාලන රාජ්‍ය අමාත්‍ය රොෂාන් රණසිංහ, ඩරාස් ශ්‍රී ලංකා ආයතනයේ කළමනාකාර අධ්‍යක්ෂ රකිල් ප්‍රනාන්දු,ප්‍රධාන මෙහෙයුම් කළමනාකරු දර්ශික අත්තනායක, ප්‍රධාන පරිපාලන නිලධාරී මලිත් රණදේව මහත්වරු ඇතුළු පිරිසක් එක්ව සිට ඇත.

Visits: 62